影片
更多
2016-05-21
2152 瀏覽
由上次嘆完石蟹後都幾個月，一路搵朋友仔們陪我食水晶蟹，但都無囉。今晚恰巧朋友仔即興搵我食火鍋，連拳都唔返去食好野啦。又是我最愛的混醬，依家已經食得到蔥喇，以前一入口就反胃架。豉油、生蒜、炸蒜、青蔥，大量指天椒，香辣無窮，簡單是美，正呀 ﹗水晶蟹，白色巨蟹啊 ﹗係水缸既時候已被佢既外表深深吸引，今晚佢就係女主角。比上次石蟹大一倍，價錢都貴一倍，多謝 $860，希望唔會令我失望啦 ﹗因為實在太巨形，所以要優先處理，免得叫得太多食物而浪費麻。活水晶蟹，差不多 3 斤重呢，手長腳長，我硬係覺得佢係亞拉斯加長腳蟹既親戚囉，老闆親自解釋話水晶蟹殼比長腳蟹殼更薄，肉質更鮮更彈喎，really？等我試完話您知。先拑後身連腳，蓋留到最後。點解又係大細拑架？唯有大拑贈佳人啦，我食細得架喇。蟹殼好柔軟，跟長腳蟹差不多，感覺上比長腳蟹更薄，唔洗用工具都可以輕易用牙咬裂再徒手撕開呢。啖啖肉、滑溜溜、軟彈彈蟹肉，質地腍而微彈，鮮味出眾，各方面都跟長腳蟹好似呢，分別不大。我個人較喜歡上次隻石蟹，蟹味更濃，肉質結實勁彈 ﹗限量頂級夾萬牛肉，仲唔比我食到您 ﹗開價 $400 蚊份既夾萬牛，即刻灼一灼粉紅色掉入口啦 ﹗物
水晶蟹，白色巨蟹啊 ﹗係水缸既時候已被佢既外表深深吸引，今晚佢就係女主角。比上次石蟹大一倍，價錢都貴一倍，多謝 $860，希望唔會令我失望啦 ﹗因為實在太巨形，所以要優先處理，免得叫得太多食物而浪費麻。
活水晶蟹，差不多 3 斤重呢，手長腳長，我硬係覺得佢係亞拉斯加長腳蟹既親戚囉，老闆親自解釋話水晶蟹殼比長腳蟹殼更薄，肉質更鮮更彈喎，really？等我試完話您知。先拑後身連腳，蓋留到最後。
點解又係大細拑架？唯有大拑贈佳人啦，我食細得架喇。蟹殼好柔軟，跟長腳蟹差不多，感覺上比長腳蟹更薄，唔洗用工具都可以輕易用牙咬裂再徒手撕開呢。啖啖肉、滑溜溜、軟彈彈蟹肉，質地腍而微彈，鮮味出眾，各方面都跟長腳蟹好似呢，分別不大。我個人較喜歡上次隻石蟹，蟹味更濃，肉質結實勁彈 ﹗
限量頂級夾萬牛肉，仲唔比我食到您 ﹗開價 $400 蚊份既夾萬牛，即刻灼一灼粉紅色掉入口啦 ﹗物有所值，頂班牛，鮮嫩 juicy 牛味濃 ﹗滑滑既纖維，澎湃海嘯般既肉汁，甜美無比。再黎個全熟試試，依舊軟棉棉，羽絨般既質地，不乾鞋、不硬實，必食推介 ﹗
搶到要叫返碟啦。上次食唔到我勁唔開心囉，因為原本係我落單先既，但因為入單遲左，最後一碟去左隔離囉，我聽住佢地 order 架。侍應阿姐即推介不如食普通頂級牛啦，都好靚架。我嬲到咩牛都唔要，淨係要食夾萬牛肉 ﹗
鮮腐竹大魚頭鍋，火鍋底多不勝數，有海鮮、有雞牛豬、有四川、有泰色、有藥材、有菇菌，多到不得了 ﹗最後決定清清地魚頭湯底，可以嚐到食物原始鮮味，唔會被湯汁蓋過麻。一滾起就試啖湯，都係偏淡口，要比點耐性餚一餚先出味呢。大魚頭，朋友仔唔識得食魚頭，我唯有拆一點點肉比佢試試，其餘等我啜晒去，益晒我，哈哈 ﹗
肥大肉厚，啖啖嫩肉，魚眼、魚雲、啫喱狀、骨膠原，滑嘟嘟散發淺淺魚味，洒上我獨家調製既蒜辣豉油，頓時食得津津有味。如果湯底多一點菜就更好啦，始終香甜欠棒，未覺濃郁。
活琵琶蝦，英文叫 rock lobster，其實肉質及味道真係同龍蝦好相似架，我就食過好多次喇，專登叫比朋友仔試試。琵琶蝦頭大身細，身既肉只有大蝦咁上下。約 1 分鐘食得喇，雪白蝦肉黏著一點點蝦膏，清甜鮮味蝦肉帶著甘甜蝦膏作點綴，當然好味，只係太細隻囉。
火箭筒，鮮魷魚又叫吊桶，Very Lucky 居然有隻係有卵架 ﹗勁重蛋香，非常美味，加上鮮魷爽彈無比，魷魚味極濃，原隻烚起一咬爆汁，連食幾隻都唔覺膩。
鮮本地雞子，跟雪藏火雞子簡直天堂與地獄，新鮮雞子外脆內嫩又濕潤，散發著濃厚蛋香，整粒啪入口一咬爆破非常過癮又好味 ﹗烏魚扣，即係烏頭個胃，爽脆非常，帶鮮魚味道，十分有趣。
今餐無過份 order 呢，全部清得乾乾淨淨，係差隻巨形水晶蟹。蟹膏蟹蓋全數交比朋友仔負責，蟹膏彷如蒸水蛋一樣幼滑，滲出極濃海水咸味呢。發現跟長腳蟹膏一模一樣，我更加肯定佢地係親戚囉。剩返蟹腳蟹身就等我清埋啦，蟹肉好鮮甜啊 ﹗
活水晶蟹
58 瀏覽
0 讚好
0 留言
活水晶蟹
47 瀏覽
0 讚好
0 留言
活水晶蟹
86 瀏覽
0 讚好
0 留言
限量頂級夾萬牛肉
35 瀏覽
0 讚好
0 留言
鮮腐竹大魚頭鍋
8 瀏覽
0 讚好
0 留言
活琵琶蝦
16 瀏覽
0 讚好
0 留言
火箭筒
10 瀏覽
0 讚好
0 留言
鮮本地雞子
10 瀏覽
0 讚好
0 留言
烏魚扣
13 瀏覽
0 讚好
0 留言
鮮腐竹大魚頭鍋
7 瀏覽
0 讚好
0 留言
張貼
