帝苑餅店

營業中

休息中

今日母親大人生日。佢好鍾意食拿破崙。聽講帝苑酒店嘅拿破崙蛋糕好好食。所以上星期五就已經上網訂。喺訂嘅過程中我先喺open rice睇過有咩口味同價錢，然後再上網訂。然後發現上網訂$420, open rice 寫$390。而且網上係無士多啤梨味訂。覺得有啲奇怪就直接打去帝苑餅店問。(因為原先係打算訂士多啤梨，不過最後覺得鮮雜果個樣靚啲訂咗鮮雜果）帝苑餅店嘅電話係長期佔線中。打咗十幾廿次先至接通。佢哋真係好忙接電話嘅女服務員服務我覺得可以加強。因為我問點解上網無士多啤梨拿破崙訂。佢答我，唔係架，有架！我覆佢，我剛剛就係上網訂發現無所以先打唻問。佢再答我，唔係架，上網都有士多啤梨架。我話，真係無佢再答，咁可以電話訂都得。其實佢可以回答得好啲。。。最後我上網訂咗。而價錢方面佢回答open rice嗰個係舊價。到今日去拎，啲服務員同環境衛生各方面都好好，蛋糕好真係好好食好脆下次有屋企人、朋友生日都會再訂佢哋不過有樣不得不提，帝苑嘅師傅竟然寫錯字。。。身體健康個體字。。。我自己都無留意剛剛post相先睇到