威威小食

營業中

休息中

近期疫情問題，少左係外面食野，所以次次黎開呢頭辦事想試呢間小店都試唔到。是日附近工作完咁岩可以拎外賣去人地office食，同同事share。試左招牌三寶(陳皮魚蛋、麵筋、八爪魚)$30，煎釀三寶$10三件，再另外加多一份陳皮魚蛋$10十粒。三寶的八爪魚幾好食，同事話同小店淨買個款深海凍八爪魚略不同，因為一個凍個一熱食，兩款風味，但都好食。而且呢個熱食撈埋佢底下個微辣汁，係更加好食！麵筋都好食，平時唔係到到有得食，掛住d汁好滋味。陳皮魚蛋好好食！陳皮味好重，好好嚼！我叫辣味的，佢的辣味唔會太辣，岩岩好，我係咁一粒粒咁食！好在我醒目叫多左份！煎釀三寶，我叫左紅腸，豆腐，茄子。紅腸我無食，同事話唔錯。豆腐同茄子係我食，茄子厚身軟淋，好食。豆腐唔厚係薄身的，但入口居然係嫩嫩的好好食！第一次食咁好食的煎釀豆腐！呢到加埋50蚊，份量都唔細，cp值高，又係良心店，下次一定會再幫襯！p.s. 呢排經過開見到呢間人流好少，希望大家經過要支持下，難得近油麻地有好食又抵食的良心小食店。剛剛好威威隔離仲要係良心飲料店茶半香初，剛好可以順道買飲料支持！