影片
更多
2019-08-05
250 瀏覽
#京都一の傳 (尖沙咀)尖沙咀廣東道5號海港城海洋中心4樓402號舖-----行街街行到腳軟之際 係海港城見到呢間之前無發現嘅日式餐廳 簡直就好似係沙漠見到綠洲 由於啲凳望落好似幾好坐 座位寬闊 所以就連餐牌都冇睇就入去坐低左 坐低之後上網search一search先發現原來呢間係剛剛進駐香港嘅京都百年老店 最出名係食西京燒 佢地嘅西京燒被譽為「日本京都第一西京燒」網上講到咁吸引 站在飲食潮流尖端嘅B仔😎緊係要試下啦 點知...原來下晝3點幾正值佢哋嘅下午茶時間 係冇西京燒食嘅 唯有下次再黎試下😂呢度有三種Tea Set 分別係櫻 梅 同埋葵 而B仔同朋友就叫左梅同葵黎試下😊-梅（$88）： 包括4樣野 （分別係 1. 一の傳名物料理 - 蔵味噌漬•手握飯團 2. 赤味噌湯 3. 時令甜點 4. 京都抹茶 ）上檯時候 4樣野擺到好似一幅畫咁 明顯有用心構圖過 唔係隨便擺 手握飯團係好正宗嘅日本飯團 冇多餘嘅調味 只有漬物 飯 同紫菜 味道清清淡淡 食落好舒服 不過畢竟香港平時食飯團都有豉油同埋Wasabi 所以雖然明知咁先係正宗食法 但都有少少唔習慣 味噌湯就有濃郁醬油味 正好平衡飯糰
尖沙咀廣東道5號海港城海洋中心4樓402號舖
-----
行街街行到腳軟之際 係海港城見到呢間之前無發現嘅日式餐廳 簡直就好似係沙漠見到綠洲 由於啲凳望落好似幾好坐 座位寬闊 所以就連餐牌都冇睇就入去坐低左 坐低之後上網search一search先發現原來呢間係剛剛進駐香港嘅京都百年老店 最出名係食西京燒 佢地嘅西京燒被譽為「日本京都第一西京燒」網上講到咁吸引 站在飲食潮流尖端嘅B仔😎緊係要試下啦 點知...原來下晝3點幾正值佢哋嘅下午茶時間 係冇西京燒食嘅 唯有下次再黎試下😂呢度有三種Tea Set 分別係櫻 梅 同埋葵 而B仔同朋友就叫左梅同葵黎試下😊
-
梅（$88）： 包括4樣野 （分別係 1. 一の傳名物料理 - 蔵味噌漬•手握飯團 2. 赤味噌湯 3. 時令甜點 4. 京都抹茶 ）上檯時候 4樣野擺到好似一幅畫咁 明顯有用心構圖過 唔係隨便擺 手握飯團係好正宗嘅日本飯團 冇多餘嘅調味 只有漬物 飯 同紫菜 味道清清淡淡 食落好舒服 不過畢竟香港平時食飯團都有豉油同埋Wasabi 所以雖然明知咁先係正宗食法 但都有少少唔習慣 味噌湯就有濃郁醬油味 正好平衡飯糰嘅清淡味道 甜點係黃豆粉蕨餅 口感軟糯 黏稠得黎又唔會癡牙 食完再飲一啖苦中帶甘嘅京都抹茶 感覺幾舒服😜
-
葵（$68）：呢款下午茶set可以喺4款甜點中揀選3款（包括有 蕨餅 紅豆銅鑼燒 日式團子串 同抹茶雪糕）另外仲有一杯京都抹茶🍵 B仔同朋友就揀咗頭三款 蕨餅同抹茶 同上面「梅」餐嘅蕨餅同抹茶係一樣的 紅豆銅鑼燒 紅豆香甜而不甜膩 一人一件實在係令人意猶未盡 而日式團子串上嘅團子汁 就帶少少鹹味 有D似燒汁但又唔完全係燒汁 係一種說不出嘅獨特味道 配埋煙韌彈牙嘅團子 飽肚得黎又幾有特色😄
-----
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：7.5/10個👍🏻
-----
#swallowhongkong
跟住B仔一齊吞食香港啦！🤤
#swallowtst
張貼
