渝痴漁醉

營業中

休息中

渝痴漁醉的渝是重慶，你間店做重慶特色的川菜，正宗麻辣，王牌烤魚，水煮魚及惹味雞煲都是賣點，大熱天時30幾度，我就冇興趣對住個爈食烤魚或雞煲，所以點咗原條桂魚水煮，挑加四款伴菜。原條桂魚先起肉，食功夫到底，條魚有成斤幾重，紅辣椒如海咁多，香味十足，桂魚非常之滑溜，我唔係咁鍾意食魚都覺得幾好食，對我來說豆卜，芽菜及寬粉更精彩，因為佢哋全部吸汁力強。我揀咗中辣級別非常適合，最後好似欠咗啲嘢，就係一個公仔麵，食埋先至完美。餐後送冰粉，解辣一流，香滑透明，裡面有西瓜及桂花。