影片
更多
2019-06-18
1176 瀏覽
長洲船程話長唔長，話短唔短，但可能太耐冇坐船，真係想嘔今次主要為呢間小店而來，成為近期最喜歡嘅小店之一，咁啱黎到長洲都可以加入口袋清單呢。島中坊研樹下店位於中學路，就喺天后廟空地前，貫徹沙灘店嘅風格，裝潢以白色為主調，配搭木色傢具，簡約、樸實，吸引唔少文青前黎打卡。室內有數張長枱、靠窗嘅高枱櫈同一張二人枱，空間唔多；如果天氣唔熱，坐室外都唔錯，更顯悠閒。開放式的廚房，有條不紊，店主、店員各司其職，出餐需時等候，黎長洲咪就係想過寫意嘅一日，就耐心等候吧。呢邊都陳設左少量手作產品，例如手袋、布袋；都有各地搜羅嘅擺設、明信片、書本等。如果喜歡設計、逛產品、衣物為主的朋友，可以直接到沙灘店，款式更齊全。餐牌款式不少，多來幾次也不會悶，除左沙律套餐，仲有奄列、牛角包、飛碟套餐、全日早餐等輕食，定價$34-88，部份可加配出前一丁或通粉，亦可以優惠價升級飲品。甜品方面有自家製烈日窩夫、布丁、雪糕、提拉米蘇、咖啡凍、雪糕紅豆厚多士等，定價$32-49，種類多元，價格貼地。飲品除左咖啡、茶，仲有自家製溏漬水果梳打，非常有心思，令我地諗起台灣嘅小店。全日早餐 $88全日早餐有齊牛角包、豬肉腸、煙三文魚、
島中坊研樹下店位於中學路，就喺天后廟空地前，貫徹沙灘店嘅風格，裝潢以白色為主調，配搭木色傢具，簡約、樸實，吸引唔少文青前黎打卡。室內有數張長枱、靠窗嘅高枱櫈同一張二人枱，空間唔多；如果天氣唔熱，坐室外都唔錯，更顯悠閒。
開放式的廚房，有條不紊，店主、店員各司其職，出餐需時等候，黎長洲咪就係想過寫意嘅一日，就耐心等候吧。
呢邊都陳設左少量手作產品，例如手袋、布袋；都有各地搜羅嘅擺設、明信片、書本等。如果喜歡設計、逛產品、衣物為主的朋友，可以直接到沙灘店，款式更齊全。
餐牌款式不少，多來幾次也不會悶，除左沙律套餐，仲有奄列、牛角包、飛碟套餐、全日早餐等輕食，定價$34-88，部份可加配出前一丁或通粉，亦可以優惠價升級飲品。
甜品方面有自家製烈日窩夫、布丁、雪糕、提拉米蘇、咖啡凍、雪糕紅豆厚多士等，定價$32-49，種類多元，價格貼地。
飲品除左咖啡、茶，仲有自家製溏漬水果梳打，非常有心思，令我地諗起台灣嘅小店。
全日早餐 $88全日早餐有齊牛角包、豬肉腸、煙三文魚、炒蛋、牛油粟米、煙肉、沙律，附上煉奶。牛角包大隻酥脆，炒蛋滑溜，其他配料正常發揮。個人認為醬油不錯吃，帶少少鹹，有啲似像味噌，配沙律菜很夾呢
自家製烈日窩夫 $39
窩夫幾有驚喜，唔好錯過即點即製，配上香蕉、雪糕、鮮忌廉、焦糖醬及少量杏仁片，性價比高。窩夫分原味、朱古力兩種，店家很貼心，讓客人自選，嘴饞嘅朋友可以一次過試得到兩款口味。
窩夫烤到外脆內軟，完全唔會乾硬；原味窩夫牛油香氣重，朱古力亦突出，兩款皆甜度適中，個人更喜歡原味呢雪糕有雲呢拿/朱古力/曲奇/豆腐/綠茶/玄米茶，我們揀豆腐，味道還好，比較似係豆乳呢。
焦糖吉士布丁 $32
布丁都有半顆士多啤梨，以鮮忌廉固定，賣相吸引。淋上濃郁嘅焦糖醬，布丁有蛋香，焦糖醬甜度十分低，並非小孩口味，喺香港比較少食得到呢種濃苦布丁，結合咁可愛嘅造型，好得我心
自家製溏漬草莓梳打 +$16
點主食可以優惠價加配飲料，溏漬水果梳打有士多啤梨、菠蘿同檸檬。點左士多啤梨，飲料中有一顆很大嘅士多啤梨，並附上一整瓶泰象梳打。飲用前先攪拌，甜度會比一般糖漿、糖水梳打低，難得店主有誠意，價格合理，一定要試試。
長洲嘅島中坊研，係我地近來最喜歡嘅小店之一。
張貼
