佳佳甜品

營業中

休息中

每次有朋友響外國返嚟，我都會帶佢去佳佳食糖水，盡下地主之誼，但係今次已經係第二次俾個地中海侍應呼喝，今次真係頂唔順要寫食評，已經好耐冇寫食評，竟然為咗一個地中海嘅侍應，我要重出江湖，再寫食評，響門口佢已經好大聲咁，好冇禮貌呼喝啲食客，老人家都唔放過。叫糖水要用QR code，但係佢個電子叫餐，又唔係咁成熟，如果你支付寶冇錢，或者你唔想入信用卡同埋個人資料，你又要叫侍應落單，落完單，又要走出去比八達通或者現金。眼見啲客走來走去，仲要俾呢個侍應呼喝終於我爆啦，我真係好大聲咁回應佢，佢仲叫我唔好咁勞氣，我話你咁嘅態度，我再勞氣啲都仲得。鬧完佢幾句，佢就收斂咗下啲啲。講到糖水方面而家真係差好多，老闆娘響間細舖時，佢老公負責生產，真係好好食。其實依家啲糖水嘅質素真係周圍都有，冇必要俾人不禮貌對待一肚氣。