京都一の傳 (已結業)

今日同friend去海港城，嚟到京都一之傳，試下嗰日本菜。 睇佢入面嘅鋪頭都好靚，不過無位，我哋最尾坐咗喺出面。前菜係海膽飯團，溫度係好足夠㗎，海膽嘅味道好鮮味，燒完的感覺好肥美。 仲要個飯團一啲都唔乾，好煙韌仲有少少飯焦香。之後係叫咗四點刺身，total 12塊，質素都唔錯，幾新鮮。令我哋好surprise嘅係嗰唐揚炸雞98蚊好新鮮好熱辣好香。最後仲叫咗個海膽出汁窩，上咗之後會仲幫我哋擺埋所有嘅蔬菜落個煲度慢慢煮。味噌嘅味道比較重，海膽味道唔係好明顯，但係成個窩都係海膽嘅金黃色，視覺非常好。再加上職員見我影相，仲邀請我慢慢同史努比影，等我影完相先至慢慢夾落去。我想講呢個心思係有加分嘅，會尊重每個客人，亦都好願意走多步，呢個係好有質素嘅表現。(佢大可以想早啲收工，快手夾落去)兩個人一千蚊，有質素之選。