K-Palace

營業中

休息中

FD好中意食酱油蟹，已经黎哩間食咗好多次，今次同佢一齐试试。店铺装修得好韩风，侍应大多都係韩国人，同埋店铺好多客人都讲韩语，好似返到韩国。前菜送咗三款，韩式泡菜，芽菜同蜜豆，泡菜最好味，腌制好惹味，唔会好辣，3款前菜完全唔够食。可乐，饮落好清爽同肉好夾。醬油蟹饭，一隻酱油蟹加埋紫菜饭唔洗200港纸，真係抵食。酱油蟹处理得好干净，蟹心蟹腮等已经除去。宜家食蟹正当季，蟹肉鲜甜饱满仲要爆膏，食落好似冰淇淋好creamy，难怪朋友咁钟意食。酱油蟹汁唔会好鹹，倒落紫菜饭一齐食，好好味。辣烧猪肉，成个铁板送上来，可以keep到嘢食热度。用咗大量洋蔥，大蔥，韓式辣酱来烹制猪肉，猪肉肥而不腻，食極都唔會滯。豬肉多到，食完真係超飽。