大頭芋烘焙

營業中

休息中

前排喺大頭芋買咗一堆芋泥磚，芋泥蛋捲，同埋芋頭酥做散水餅，係公司派嗰陣同事覺得好特別所以都幾受歡迎，真心好味，唔會太甜，芋頭味夠出。芋頭酥四隻味都好正，原味芋頭濃，梅味小小酸越食越開胃，蛋黃味好鹹香，自愛呢隻，西班牙火腿好有口感。芋泥磚同蛋捲超好味，可能係新鮮出爐，蛋糕夠鬆軟，配合啲芋泥入面仲有啲芋頭粒，堅正！！有原味蛋黃味同奶油味，最愛係原味！勁足料！啲芋泥粒勁咇出嚟，蛋糕淡淡地嘅蛋味同芋泥味好夾，甜味適中，超掂！好難得唔使去台北係香港都搵到啲咁正嘅香芋嘢食！一定會返轉頭再買，特別係芋泥磚同蛋捲！