Keyaki (已結業)

日期：9月23日人數：2人二人行，本身想食蔡瀾粉，但因為太多人，所以唯有轉場。跟住去左和安里(蘭桂坊前的斜路，右邊轉入去，有串燒/Hungry Korean 果條巷)，接近行到最盡頭，有一間頗低調的日本餐廳。餐廳好細，大概只坐到20人。我哋大概等左15分鐘先入到去。等位嗰陣已經睇好食乜野，兩個人不約而同都想食燒鰻魚飯，咁就嗌左兩個鰻魚飯套餐。首先係上沙律同麵豉湯。沙律菜其實都係一般貨色，冇乜特別。麵豉湯好夠熱，濃度適中，夠味好飲唔口渴。鰻魚係師傅即燒的，我哋啱啱坐係吧枱，可以睇到師傅燒。之後另一個師傅將返首先裝入盒，上邊放上蛋絲，之後師傅再把燒好嘅鰻魚放喺上邊。鰻魚都算中上水準，由於係即燒的關係，所以熱辣辣幾惹味。飯係正常嘅珍珠米。午餐仲附送一粒小甜品。環境方面，裝修具有日本特色，以吧枱為主，吧枱之外只有兩三張二人台。環境乾淨衛生，係其中一個師傅裝飯、處理沙津菜、出單、入貨蓋章、上菜做哂都無洗手，只用毛巾清潔，潔癖的人見到可能會有意見。服務唔錯，態度幾好。人均$150 ，算係合理價錢。