森美餐廳

營業中

休息中

今日同老友慶祝我地兩個生日，係黃店地圖搵到呢間，成日嚟荃灣，估唔到呢度有間西式餐廳，一於試下佢！門口個裝修好cafe feel，仲有好多模型公仔入面裝修都好靚，幾有特色！見好多評論話推介安格斯牛肉漢堡包，睇下係咪真係咁好食，同朋友傾傾下計就到，個漢堡包份量幾大，薯條都幾多下，兩個人share食都幾夠！塊牛唔錯！本來嗌左芝士三文魚焗意粉，原來佢送錯左南瓜意大利飯，同朋友無留意，生日太開心一嚟就食，後尾佢再嚟返碟原本我地先知，佢地都有話計返原本個碟錢，不過個幾數雞就由佢啦，同埋嚟錯左都好岩食，第一次食南瓜飯又幾煙韌👍🏻👍🏻不過佢有限時45分鐘用餐，如果想長坐談心就未必岩，但短短地想同朋友食餐好嘅，地方又唔錯，呢間幾好選擇。