光榮冰室 (厚福街) (已結業)

尖沙咀厚福街出名多野食，除左肥仔小食，其他都好少試。每次經過尖咀呢間光榮冰室都係好多人等位同外賣。今次兩點黎到，岩岩完左lunch 時間，兩位唔洗等，座卡位，happy !叫左一位三眼仔煎雞扒飯同一位滑蛋叉燒飯，兩杯凍奶茶😌等左一陣就黎左，兩位都好靚仔❤️三眼仔其實係指三個太陽蛋，真係煎得好完美，睇見就想一啖啜落去，下面埋藏左驚雞扒，都係煎得滑既～最正飯底都好多 甜豉油 再加埋蛋黃漿撈飯，真係別有一番風味，好食呀！試左朋友既滑蛋叉燒，又係唔錯，份量好多。不過奶茶就差啲喇，都無咩茶味。平時自己過黎食個快靚正既午餐都唔錯，因為食完係滿足既👍🏻😂