影片
更多
2021-08-13
152 瀏覽
我係一個好鐘意食米線嘅人，可以一日三餐都係米線，男朋友仲話我係米線怪🤣🤣我會周圍搵米線去試，就係無意之中有一日俾我發現呢一間蕃茄18，見佢有唔同嘅湯底，有蕃茄湯，麻辣番茄湯，麻辣湯，豬骨濃湯，岩曬我又鍾意食蕃茄又鍾意食辣嘅人！！而且仲發現佢有多士食，簡直可以係一間舖頭入邊滿足晒我所有願望，又可以食米線又有得食多士。不得不提佢呢一個粒粒花生多士，真係超級無敵好食，雖然好邪惡，但係如果你嚟呢一間舖頭度食嘅話真係推薦你哋一定一定要試吓呢一個多士。今次米線我揀咗麻辣湯，去咗大辣，可能始終佢哋呢到唔係做辣為主所以佢哋個湯底就算係大辣都唔係好辣。另外仲叫咗一個麻辣蕃茄湯通粉，佢嘅蕃茄味會重過辣味但係都好好食。另外杯阿華田脆脆都好好飲
12 瀏覽
0 讚好
0 留言
張貼
