傳麵世家

營業中

休息中

粉麵係我既至愛，而呢間我久唔久我都會去食的。  男朋友叫左什河，我次次都叫雲吞牛肚河既。我地另外仲叫左炸雞球同埋腐乳通菜。呢個就係什河，男朋友話幾好食，牛什的湯好濃郁。呢個雲吞牛肚河真係我既至愛，次次黎都會叫呢個。  佢d 河粉又唔係話算好滑果d，但係我又覺得呢d 粉麵舖好有味道，d 湯同d 牛肚都好夠味道，雲吞的料都多，d 蝦係彈牙既。  好中意呀！呢個炸雞都幾好，食落好香口，雞都幾滑，加埋個醬好好食 ，但就會有少少油咁！呢個通菜無咩特別，但我就覺得有太多腐乳，令到佢有少少咸。如果大家有咩粉麵舖推介，可以話我知，因為真係好中意食粉麵，哈哈！