影片
更多
2023-06-16
1348 瀏覽
#搞串個pantry 嚟到#香港仔 ，大家都會諗到避風塘🚤、食海鮮🦞、搭船去其他島🏝️。今次就搵到一間食#韓國菜 🇰🇷嘅餐廳，可以選擇食韓國料理，又或者同時燒肉🔥都得！！除咗香港仔之外，#青衣 都有一間分店㗎😋。舖頭裝修簡潔，走普通韓式餐廳嘅路線😎。今次我哋嗌咗紫菜卷飯🍱+炒年糕($98)、海鮮葱餅($98)🍕、水冷麵($72)🍜，另外仲附贈四碟前菜，包括有醃白菜、芽菜、海帶等。紫菜卷飯+炒年糕🌟飯卷普通，食落口感唔太好🙂，原因係米粒有啲「痴」牙，紫菜包得太耐太過腍，唔脆。同埋，整個飯卷食落口味道偏淡，唔係好食得出裡面食材嘅味道🤯。不過，店家嘅飯卷有配到醬汁，點少少就好啲。另外，炒年糕味道唔錯，微辣帶甜，會令人忍唔住繼續食！不過年糕口感偏硬，如果再炒耐少少，再腍啲會更好😜！海鮮葱餅🌟🌟🌟🌟上面有唔少細細隻嘅蝦仁🦐，同埋有好多葱🌱。一上菜，已經聞到好香嘅煎炸味😍，一食落口，果然非常酥脆🤩！！味道方面，食到各種食材嘅原味，再靠葱本身嘅香氣、咸味，令到呢個葱餅食落油炸得嚟，又感覺幾健康😚。而且，呢個葱餅凍咗都仲係脆嘅，又無油臭味！！不過，如果呢個海鮮葱餅可以加多一兩種海鮮，例如魷魚🐙，咁會更加
嚟到#香港仔 ，大家都會諗到避風塘🚤、食海鮮🦞、搭船去其他島🏝️。今次就搵到一間食#韓國菜 🇰🇷嘅餐廳，可以選擇食韓國料理，又或者同時燒肉🔥都得！！除咗香港仔之外，#青衣 都有一間分店㗎😋。
舖頭裝修簡潔，走普通韓式餐廳嘅路線😎。今次我哋嗌咗紫菜卷飯🍱+炒年糕($98)、海鮮葱餅($98)🍕、水冷麵($72)🍜，另外仲附贈四碟前菜，包括有醃白菜、芽菜、海帶等。
紫菜卷飯+炒年糕🌟
飯卷普通，食落口感唔太好🙂，原因係米粒有啲「痴」牙，紫菜包得太耐太過腍，唔脆。同埋，整個飯卷食落口味道偏淡，唔係好食得出裡面食材嘅味道🤯。不過，店家嘅飯卷有配到醬汁，點少少就好啲。另外，炒年糕味道唔錯，微辣帶甜，會令人忍唔住繼續食！不過年糕口感偏硬，如果再炒耐少少，再腍啲會更好😜！
海鮮葱餅🌟🌟🌟🌟
上面有唔少細細隻嘅蝦仁🦐，同埋有好多葱🌱。一上菜，已經聞到好香嘅煎炸味😍，一食落口，果然非常酥脆🤩！！味道方面，食到各種食材嘅原味，再靠葱本身嘅香氣、咸味，令到呢個葱餅食落油炸得嚟，又感覺幾健康😚。而且，呢個葱餅凍咗都仲係脆嘅，又無油臭味！！不過，如果呢個海鮮葱餅可以加多一兩種海鮮，例如魷魚🐙，咁會更加吸引💕！
水冷麵🌟🌟🌟🌟🌟
呢個水冷麵，可以話係暫時係香港食到最吸引到我哋嘅水冷麵🫦！！！入面有麵條本身之外，仲有酸蘿蔔、梨肉🍐、青瓜絲🥒、熟蛋🥚。麵條嘅軟硬程度剛剛好，咬落去非常煙韌，非常彈牙，同時都好掛湯🤤，食得到湯本身嘅甜味同埋自己加落去嘅醋味。另外，其他配料同冷麵都非常夾🥳，梨肉食落都有淡淡梨嘅甜味！！
而附贈嘅四碟前菜份量都好多😍，味道都唔錯！大家想食韓國嘢🇰🇷，又唔介意去得遠，可以試下呢間韓國餐廳㗎💕！！
158 瀏覽
0 讚好
0 留言
84 瀏覽
0 讚好
0 留言
56 瀏覽
0 讚好
0 留言
57 瀏覽
1 讚好
0 留言
47 瀏覽
0 讚好
0 留言
張貼
