燃 (已結業)

大家嚟到大圍覓食會諗起啲咩？雞粥？腸粉？肉餅飯？會唔會已經食到厭？或者想食啲高質，坐得舒服啲既餐廳呢，今日就有間日本菜同大家分享下。呢一間叫燃既日本餐廳，有壽喜燒，有刺身壽司，亦有燒海鮮天氣咁凍，我地就叫左一個鮭魚石狩鍋暖暖身體。石狩鍋係北海道既鄉土料理，以鮭魚産量豐富既石狩川以命名。個鍋一到，就立即比個大大三文魚頭吸引住，湯頭鮮甜，仲加入大量豆腐及蔬菜，營養豐富，蛋白質爆燈，份量多到足夠3-4人食呀，食完暖粒粒另外都仲叫左燒海鮮，係時價，嗌左虎蝦，大扇貝同蠔，每樣海鮮都好新鮮好肥美，肉質鮮甜爽口，大滿足除此之外，仲嗌咗啲炸物嚟送酒，明太子雞翼同雞皮餃子，兩樣都炸到脆卜卜咁，雞翼裏釀滿明太子，每一啖都有明太子既香味，有口感得嚟又唔會太鹹，而雞皮餃子，用雞皮取替餃子皮包住豬肉再拎去炸，咬既時候，口腔充滿雞皮既油脂香，邪惡之選另外值得一提，如果你叫清酒，店舖仲有唔同顔色同設計既清酒杯比你選擇，可以揀自己鍾意既haha總結嚟講，呢一間日本餐廳用料靚而且十分用心，有唔同既日本料理值得大家嚟試下