牛涮鍋

營業中

休息中

小妹有名你叫「拖頭女司機」，總是有一陣陣麻甩味。連食晏都想去打邊爐。前排一個人去左小西灣開工，一個人放飯諗緊食咩好。藍灣廣場呢間牛涮鍋，應該滿足到我辛勞半天想食好啲的心態。我嗌左個最平的豚肉餐，限時一個鐘要交枱。我毫不猶豫咁嗌左個麻辣湯底，如果仲要諗變相就少左時間打邊爐啦！一落完單即刻彈射出去拎野食。菜﹑粉麵﹑飲品﹑甜品同醬料都是自助，肉就有一碟，其實我覺得都好夠了。自助部份的食物都好乾淨﹑新鮮﹑多種類同企理。飲品有好多種類同夠凍。即使最平的豚肉，雖然切得好薄，但都有好肉味，滿滿的口感，好滿足。平時出街食得多，食得菜少，來呢度可以狂食菜！時間過得好快，一個鐘話咁快就過左。發現自己早上辛苦工作，放飯做乜事要趕到咁，係咁倒啲好熱的食物落口，感覺有點浪費這些優質食材，也浪漫了放飯時間休息時間。