煌府婚宴專門店

營業中

休息中

最近疫情嚴重咗，盡量減少去大型商場，今日我同屋企人去咗新港中心三樓的煌府食飯。晚市人流唔多只有幾枱客，大家相距幾張枱位置。今晚同屋企人簡單食，叫了幾個小菜。洋蔥黑椒牛仔骨，牛仔骨切成大大塊，咬落啖啖肉，就連隔離配角-洋蔥都超好正！魚香茄子煲，鹹魚是成煲的靈魂人物，少許鹹香味調出茄子的鮮味！茄子走油後，口感更加好味！魚香茄子煲味道惹味，配飯一流！濃湯海味銀絲雜菜煲，材料豐富，有白菜仔，紅蘿蔔，草菇，蝦米，粉絲。上湯味道鮮甜，可以當湯喝多2口。呢款菜式健康，為其他兩道菜解膩。