我哋叫咗「雞翼好多重奏」（水牛城、玫瑰、麻辣口味）（ $78 ），意大利鮮茄海鮮意粉（ $118 ），秘製醬汁焗豬肋骨（半份$116 ），松露野菌燉飯（ $106 ），賭城至尊Pizza （ $118 ），焗波特菇（$86），仲要左兩個甜品包括比利時窩夫（ $78 ）同埋賭城心太軟（ $48 ），非常豐富。
先講下個焗波特菇（$86），其實即係芝士焗大啡菇，一客有4隻，芝士濃厚，啡菇保持到濕潤有汁，唔錯！
「雞翼好多重奏」（水牛城、玫瑰、麻辣口味）（ $78 ）都幾impressed
，每款味有3隻，首先玫瑰味好香，食落有甜甜的蜜糖味﹔水牛城就微辣，表面有好多醬汁包住，都幾好味！至於麻辣，由於我一向都唔麻辣所以無諗住試，但同事話完全唔辣只有麻，一試之下個感覺真係好特別！真係唔辣，但食左一陣就feel到嘴唇有點麻麻的感覺，但同時嗰種唔知點形容既味道一直在口內徘徊，感覺好得意呀！
意大利鮮茄海鮮意粉（ $118 ），有車厘茄、蝦、帶子同埋魷魚圈等，番茄味濃烈、海鮮又新鮮，帶子唔會韌。
松露野菌燉飯（ $106 )有蘑菇、松露、洋蔥、苜蓿等，好多汁所以濕濕地易入口，而且有好香松露味，啲菇亦做得軟硬啱啱好！
賭城至尊Pizza （ $118 ）就有三色椒、辣肉腸、肉碎、磨菇、菠蘿等，屬於薄批，個邊都幾脆，幾好食！
秘製醬汁焗豬肋骨（半份$116 ）有薯條伴碟，ribs做得好淋而且好入味，屬惹味之選！
比利時窩夫（ $78 ）配有曲奇味雪糕及雜果，窩夫有點似麵包質地，落左朱古力醬都OK。
賭城心太軟（ $48 ）賣相好靚，心太軟做得不錯，濃郁的朱古力一開即流出來！加埋士多啤梨雪糕，一凍一熱互相配搭！:)
