MOO MOO Plus (百德新街) (已結業)

我一直都好鐘意西式漢堡包，今次約咗朋友嚟呢間人氣好高嘅銅鑼灣burgershop。呢到好有氣氛，不論係裝修，定係餐牌可以選擇嘅食物，都好美式，好正。牛油果蝦沙律配黑松露蜜糖有mixed greens，好新鮮，牛油果夠creamy，份量又超多，基本上就等同guacamole，配埋蝦食好清新。香辣番茄煮青口份量都好多，夠大隻，加埋醬汁食都好正，直頭想清埋所有汁！主菜就叫左西班牙黑毛豬肩肉配無花果醬，始終啲肉係黑毛豬，所以完全冇鞋口，啖啖肉，食得好過癮。個醬汁都好出色，最鍾意有無花果少少甜甜地嘅味道。芝士焗龍蝦意大利飯超級creamy，冇諗過竟然會有半隻咁大隻嘅龍蝦，上面仲有燒芝士，真係好好食。