靠得住粥麵小館 (康怡廣場北座)

營業中

休息中

兩口子提早慶祝情人節，今晚唔煮飯，專程出去撐枱腳。太太喜歡食中式嘢，一於近近地，就喺樓下幫襯 ”靠得住” 。先叫咗兩個前菜，有麻辣小黃瓜及陳醋春耳。黃瓜好清爽，配埋麻辣汁，辣辣地，好醒胃；而陳醋春耳就甜甜地，爽爽地，好開胃。另外叫咗白灼豬肚粉腸，兩者都清甜爽口，但蘸咗辣椒豉油 ，即刻唔同晒，變得好醒神入味。主菜叫咗金銀蒜粉絲蒸開邊蝦，蝦勝在夠新鮮，開咗邊容易食，上面舖有大量蒜蓉，有助提升鮮味。而粉絲則吸收所有味道，夠惹味兼彈牙爽口。心肝寶貝粥係專程叫比太太嘅，因為佢喜歡食粥。聽個名已經冧晒，由於有大大塊豬膶，非常鮮甜，入口即化；仲有大大粒帶子，新鮮爽甜，本身粥底已經夠綿滑，簡直甜到漏，真係好啱食。值得一提係呢度嘅經理及侍應的服務態度非常好，懇勤招待，令人有賓至如歸嘅感覺，見到好多街坊捧場，座無虛席。