Delish (已結業)

今日上朋友屋企一聚，喺Delish叫咗外賣。食物質素好高🤩，雖然拎到上去已經唔熱，但味道真係好有水準。特別鍾意北海道帶子藍芝士卡邦尼意粉，個汁真係好滑好濃郁，質感濃稠，芝士味好香，意粉煮到外軟內煙韌嘅質感，帶子都好有彈性，正！鮮蘆筍蟹棒肉蟹膏忌廉汁意粉都好食，蟹棒真係好大條，味道鮮甜，蘆筍增加咗意粉嘅口層，醬汁散發淡淡嘅蟹香味，好味道！澳洲黑毛安格斯肉眼扒牛肉味香濃，肉汁豐富，肉質鮮嫩，唔會嚡口或乾身，配上醬汁味道更出色。其他菜式都好食😋，下次想試堂食！