印尼沙爹屋

營業中

休息中

東大街成條都係食街，而呢間只係做外賣為主，係其中一間出名小店，閒日去都幾多人排隊。有午市飯餐，見佢地做到冇停手，好好生意。淨要串燒嘅話要等耐少少。沙嗲汁要左小辣，辣味比想像中突出，好惹味，但唔會辣到搶哂focus。嗰醬夠濃味，花生味都好出，就咁食會偏咸但用黎撈飯一流。要左豬頸肉($25)反而一般，可能有咬口得濟唔太襯做串燒，食落比較韌，性價比冇咁高。仲要左羊肉($14)，羊味冇比沙嗲蓋過，都唔錯。雞($13)夠滑，仲有肉汁。最後要左秘製燒白鱔($30)冇骨，食落夠滑，魚味幾出，不過就貴左啲。