影片
更多
2020-07-05
350 瀏覽
禮拜六同女朋友去食，大熱天時熱到爆，入去都係要企係度食，唔緊要當感受下個氣氛，好食既話辛苦啲都OK啦。咁入去叫左10件壽司同個$88海膽迷利丼。雖然餐牌都大大隻字寫住迷利丼，但係估唔到佢仲迷利過大家樂啲迷利叉燒飯。都估到海膽無理由咁平，個飯一啖就食完啦！個碗其實係半隻手掌咁細嫁咋，大家要三思先嗌呀。個飯都算啦，準備食舊壽司，嘩一啖放落口咸到喊，原來佢啲壽司飯用豉油浸完，咸到放唔到落口！到底好地地舊壽司飯點解要浸豉油？？？食完舊咸到喊既時候想飲杯水，一啲水要係水喉到自己斟，咁無咩問題明將都係咁，但係佢熱到你唔攤番十分鐘都飲唔到，本身立食個原意就係Expect你企係度好耐食，咁食法杯水未凍未飲得我已經食完走啦。然後想飲支波子汽水，要成$27蚊支，唔好去搶。食完難食又唔飽，嬲到過去隔壁用$36蚊買多10件爭鮮食。爭鮮都好食過佢！
雖然餐牌都大大隻字寫住迷利丼，但係估唔到佢仲迷利過大家樂啲迷利叉燒飯。都估到海膽無理由咁平，個飯一啖就食完啦！個碗其實係半隻手掌咁細嫁咋，大家要三思先嗌呀。
個飯都算啦，準備食舊壽司，嘩一啖放落口咸到喊，
原來佢啲壽司飯用豉油浸完，咸到放唔到落口！到底好地地舊壽司飯點解要浸豉油？？？
食完舊咸到喊既時候想飲杯水，一啲水要係水喉到自己斟，咁無咩問題明將都係咁，但係佢熱到你唔攤番十分鐘都飲唔到，本身立食個原意就係Expect你企係度好耐食，咁食法杯水未凍未飲得我已經食完走啦。
然後想飲支波子汽水，要成$27蚊支，唔好去搶。
食完難食又唔飽，嬲到過去隔壁用$36蚊買多10件爭鮮食。爭鮮都好食過佢！
張貼