翠華餐廳 (富東廣場)

營業中

休息中

疫情後至通關差不多一年，都無出過街食茶餐廳早餐，記得以前翠華早餐係好食之選。今日打算回味。 點知叫個火腿仿鮑魚絲通粉餐，首先炒蛋凍的，茄汁豆直情是冰的，個脆豬仔包尚可但不能叫「脆」，個通粉湯底味精到不能，加埋一大陣胡椒粉味。雖然預咗出街食實有味精，但都唔洗咁勁呀，仲成日標榜餐廳主打健康。 個通粉碗邊仲要沾到啲類似辣椒油的汁，唔知係咪位職員執完枱又去上餐。真係核突至極！職員普遍都借左隻聾耳番嚟，得一個執枱姐姐比較有禮，其他的都目無表情可言。一早起身滿有心情食個靚早餐，點知真係掃興到一個點。落餐，攞熱水，餐具全部都自助，其實都好嘅。請少啲員工，反正啲員工都唔想番工，番到嚟乜都聽唔到，又顧住係度傾計，擺到明一副唔想番工的樣子，咁唔請人咪好囉。唔洗一早出街番工，係屋企係咁同朋友傾計上網乜都得了。唔洗做係屋企幾舒服。