亞金南洋茶室 (黃大仙中心南館) (已結業)

嗌左個外賣晚市二人餐，3個餸有飯有湯有野飲折完$224，點知所有野都係無味超難食😓 薑蔥霸王雞-白烚再求其淋啲類似豉油嘅野，但完全無味，雞肉淋到一啲texture都無。蝦米粉絲什菜煲-又係白烚，粉絲煲都可以係白烚？！成堆菜+粉絲烚完擺埋一齊就算數，仲要烚到過淋，完全overcooked，又係好難食。馬來咖喱牛筋腩煲-呢個終於有少少味，但係超淡嘅咖哩味，大家樂嗰啲好食十倍。牛筋腩口感正常，但無味。湯係味精湯好咸，杯檸檬薏米水係成餐飯最正常飲得落口😅好耐無食過咁難食嘅一餐飯，食到一半都無胃口再食落去。