上村牧場 (已結業)

銅鑼灣Time Square越嚟越多嘢食，今日喺港鐵出口嗰層和民集團開嘅《上村牧場》已開張，係時候試下佢嘅最新"薩摩牛 放題"。餐廳裝修企理乾淨，光線充足，食物會由運輸帶送上，不經人手好衛生。平板電腦點餐選擇豐富，我同妹妹揀嚟揀去越簡越多，有幾款沙律(肉/素)、泡菜等，肚餓嘅朋友可以點韓式冷麵、日式溫泉蛋飯素飯、韓國熱湯等等，喜歡食壽司嘅大大件北海道帆立貝壽司點完再點。以上都不是重點，薩摩牛同澳洲和牛確實不得了，每個部位都有唔同嘅食法，脂肪含量高，脂肪含量中等到脂肪含量冇咁高嘅位置一目了然，全部任你選擇。燒烤嘅牛主要係薄切，放上爐十秒八秒就要反轉，加多幾秒就食得，呢度仲有啲特色醃製牛肉都非常美味，食到嗰陣時喺日本風味嘅壺漬牛，都有啲似韓國燒烤嘅風味，正！惹味羊架都係任食，大大件食得曬先好叫，多啲人可以share。牛壽喜燒(附蛋)加咗棉花糖，甜甜地，錫紙兜上，仲有牛油粟米、煙肉牛油燒露筍、明太子芝士年糕、迷你壽喜燒及燒魷魚等等。