NENE CHICKEN (朗豪坊)

營業中

休息中

自從在首爾食過炸雞之後，一直想在香港搵炸雞食，在openrice搜尋搵到這間在旺角嘅nene chicken。其實一開始預咗單點全雞只能食一款口味，去到發現原來有限時任食選項，可以同時食唔同口味無骨炸雞，最啱我呢啲選擇困難嘅人樣樣點黎食，價錢比單點平，雖然不是全部款式齊全，但都有10款可以揀。有醬汁大推蒜香醬油味，外皮就算有醬汁但都唔會太淋，仍然保有一定脆口。無醬汁炸雞推master curry和芝辣初雪，味道香濃。無論哪款炸雞，都新鮮熱辣，外脆內軟，而且保留了肉汁，更讚嘅係食完都無出現熱氣到喉痛嘅情況，等我仲準備要去飲涼茶降火啤酒一枝$40，職員提出原來任飲飲品$33仲抵，唔會為咗賺錢就往貴嘅sell，不過因為我只飲一枝就夠了，唔知任飲係淨啤酒定喺仲有咩野飲揀。