泰尚泰國菜館 (已結業)

今晚冇煮飯，叫咗泰尚外賣，諗住兩個人叫咗南瓜海鮮飯，馬拉盞介蘭，三串沙爹串燒豬肉，三串沙爹串燒牛肉同兩個椰青，應該同出去食叫嘅嘢差唔多啦，點知佢實在太足料，最終都係食唔晒。南瓜海鮮飯好足料，有4大隻青口，d蝦仲唔係冰蝦(透明個種，因為透明蝦我唔食架)又好大隻，而個南瓜又霖又甜。平時出街食泰國嘢，個d串燒都唔慌大串，而佢地嘅串燒都唔細串架，真係估唔到。兩個椰青都勁多水，而且d肉好正。菜就冇乜特別，因為外賣焗黃咗d。