泰式食

營業中

休息中

今日兩姊妹做完facial 心情靚靚，跟住走去大吃一餐，我哋都好鍾意食泰國菜，呢間我哋之前都嚟食過，非常懷念。今次我哋點了二人套餐， 佢嘅精品就係冬陰功湯， 話明係精品味道當然頂呱呱。一款炸素菜春卷，脆卜卜，滿滿的內心食材，清香味甜，外皮鬆化，非常匹配。我倆至愛嘅海南雞，外皮爽脆，油光閃閃，一啲都唔肥，肉質幼嫩鮮甜質素極高嘅食材。一款招牌清炒雜菜，招牌菜的確係招牌菜，多款鮮嫩素菜，不用肉類配搭都能炒出極之美味，清爽宜人，還配有白飯跟甜品。還有一碟菠蘿炒飯，正宗泰式手作，飯粒顆顆清爽 煙韌，菠蘿甜蜜蜜配上多種配菜同炒，鑊氣非常。至於飲品佢嘅椰汁紅豆冰都好出色，材料充足，椰香撲鼻，紅豆綿綿，甜味調教得剛剛好。甜品西米露都好清新❤️最後我倆吃到肚子滿滿的 心情靚靚地回家。