紅心麵包西餅

營業中

休息中

今日同小朋友趕上興趣班，係附近紅心麵包餅店買左合桃芝士包，沿路食個包覺得非常好味，回程買左好幾款甜品返屋企食，都係咁高質素。合桃芝士包入面有好多粒粒芝士，芝士味濃郁，配合香脆嘅合桃粒，口感豐富，包身鬆軟帶微微彈性，有少少咬口，足料非空氣麵包。揀左好幾款甜品：班蘭椰果奶凍，呢款甜品口感非常滑溜，椰果爽口帶嚼勁，配埋班蘭味道香濃又唔會太甜，整體味道好清新，夏天食一啖真係好舒服，解渴又開胃。金莎朱古力脆皮蛋糕，外層嘅脆皮帶有微微嘅焦香，配合內裡柔軟嘅朱古力蛋糕，味道層次豐富。朱古力味道濃郁但唔會過甜，食落去口感鬆軟同時帶有少少脆脆嘅口感，好有驚喜。開心果千層撻真係不得了！千層酥皮層層分明，香脆可口，開心果味道突出又唔會搶去其他材料嘅風頭，甜度適中，食完唔會覺得膩，係下午茶嘅完美選擇。經典嘅葡式蛋撻，紅心包餅店嘅蛋撻外皮酥脆，蛋漿滑嫩香甜，焦糖層燒得剛剛好，帶少少焦香味，入口即化，真係正宗又好味。