影片
更多
2021-04-22
965 瀏覽
話說都好幾年冇嚟宜家嘅餐廳食飯！ 今日路過見唔多人，就忍唔住貢入去食個快飯😆 因為餐廳本身都係半自助形式，所以都好適合一個人食孤獨飯 😂本身嚟到而家嘅餐廳，就梗係諗住食佢嘅招牌肉丸啦！但排隊揀嘢食嗰陣，見佢有炸豬手，仲要係超抵價$66，唔係唔食呀 🤤 Sorry 呀肉丸，我都係下次先食你喇！呢隻炸豬手真係可以用抵食夾大件嚟形容！一個人食，細食啲嘅都未必食得哂 😂 同埋以快餐嚟計，呢隻豬手嘅賣相真係好吸引！我一坐低就急不及待要食，但落刀嗰下覺得好韌，諗住實伏咗啦。。。點知原來係刀嘅問題 (因為餐廳只提供最普通嘅餐刀，但喺其他餐廳食豬手，係會俾把大据齒嘅切肉刀你) 食落塊皮係真係脆嘅，味道唔錯，冇豬臭味！雖然跟蒜茸汁，有啲搞笑，但又岀奇哋夾，再加埋頗酸吓嘅酸菜，真係好惹味 😋除咗炸豬手，我仲點咗個脆朱古力杏仁餅！但呢個杏仁餅唔太推介，太甜，同埋個餅底好沙好乾。。。雖然都有少量脆杏仁粉，但整體而言真係甜到爆，基本上食唔岀朱古力或杏仁味 🤦🏻♀️我係一個大食嘅人，所以我一個女人仔都KO到隻豬手 😎 但食完豬手 + 塊餅，連我都覺得頗膩。。。我諗我下次都係揾人share隻豬手，然後再加肉丸會好啲
本身嚟到而家嘅餐廳，就梗係諗住食佢嘅招牌肉丸啦！但排隊揀嘢食嗰陣，見佢有炸豬手，仲要係超抵價$66，唔係唔食呀 🤤 Sorry 呀肉丸，我都係下次先食你喇！
呢隻炸豬手真係可以用抵食夾大件嚟形容！一個人食，細食啲嘅都未必食得哂 😂
同埋以快餐嚟計，呢隻豬手嘅賣相真係好吸引！我一坐低就急不及待要食，但落刀嗰下覺得好韌，諗住實伏咗啦。。。點知原來係刀嘅問題 (因為餐廳只提供最普通嘅餐刀，但喺其他餐廳食豬手，係會俾把大据齒嘅切肉刀你) 食落塊皮係真係脆嘅，味道唔錯，冇豬臭味！雖然跟蒜茸汁，有啲搞笑，但又岀奇哋夾，再加埋頗酸吓嘅酸菜，真係好惹味 😋
除咗炸豬手，我仲點咗個脆朱古力杏仁餅！但呢個杏仁餅唔太推介，太甜，同埋個餅底好沙好乾。。。雖然都有少量脆杏仁粉，但整體而言真係甜到爆，基本上食唔岀朱古力或杏仁味 🤦🏻♀️
我係一個大食嘅人，所以我一個女人仔都KO到隻豬手 😎 但食完豬手 + 塊餅，連我都覺得頗膩。。。我諗我下次都係揾人share隻豬手，然後再加肉丸會好啲 😝
酥炸咸豬手伴酸菜
$66
66 瀏覽
0 讚好
0 留言
脆朱古力杏仁餅
$16
66 瀏覽
0 讚好
0 留言
張貼
