牛摩+ (沙田中心) (已結業)

大個咗之後，都好少食任食火鍋，放題之類，因為食得唔多，又想單點食得好啲！但今日經過牛摩，好香，當時又勁肚餓，所以兩條友去咗食！我哋食第二級有牛食果個算，因為覺得都好似差唔多😂入到去，自助拎啲菜同腸仔咁啦，湯底好似叫咗個鰹魚同牛乳！湯底都ok, 不過不失啦！牛，豬，雞先嚟各一，都好大碟，質素比我想像中好，當時勁肚餓，不停食，食食吓都覺得幾好味，同邊都係後生仔女多，見佢哋食得都幾開心，重拾返以前讀書時，同一班朋友出去食放題任食嘅感覺！如果下次想食都會嚟，但要等疫情過後，各位要stay health!