佐賀山田‧燒肉

營業中

休息中

先不評論食物，燒肉最緊要係乜？係個爐呀！佢用燒肉like果隻一人爐，要兩三個人share一個爐。火力又弱，全程不停翻肉不停等，個爐咁細，每人每次燒最多兩舊。食完之後感覺只有一個累字。講食物: 種類就看你付出的價錢，願者上釣。但外面張自助食物枱，可唔可以唔好咁流？真係無嘢揀。其實我想要嘅，係任裝的白飯同些少日式咖哩汁咋⋯⋯食物質素，雖然我知絕大部份的燒肉店都係急凍肉，但可唔可以解一解凍先呢？你個爐已經弱，舊肉重要咁凍，燒到天光。肉有平貴，質素不能直接比較，我只能話同價位比其他同區燒肉店差。係差很多添。(我係連燒肉like都覺得好食嘅水平的人)簡單講，咁多選擇，唔洗揀佢。唯一好處係不用等位。呀！生菜都唔錯，好新鮮。不過算啦，下次不會再來。