The Stadium (已結業)

今次同一班朋友黎哩度聚吓。係觀塘做嘢嘅朋友推介嘅朋友話哩間餐廳除左食物OK，而且唔趕人走，所以好適合一班朋友黎聚吓，可以一路食嘢，一路傾計，仲可以玩吓飛鏢！！！一入到間餐廳，就知道自己無去錯地方成個設計都好似運動場名附其實—「The Stadium 」。除非眼見部分，例如：掛牆裝飾等等，餐廳好多detail位都配合到主題，例如：水杯同杯墊！雖然話去餐廳吃飯，食物係主角，但係有配合氣氛嘅環境，咁間餐廳係80分定90分，差別就係咁度啦如果同成班朋友一齊黎，一定要試吓佢嘅「Tomahawk Steak Comba」。上菜嗰刻好震撼！真係好大份！！！而且味道都唔錯，牛排大約七成熟，豬肋骨亦好入味！嗰份量多到，我哋成班人最後竟然食唔曬（當然我哋有嗌其他餸菜）。P.S.我哋坐係最入面嘅長枱，可能餐廳氣氛真係太好，唔係好聽到坐對面嘅朋友講咩，所以結果集中係食嘢、聽音樂同最尾玩吓飛鏢。