海饌 - 海鮮牛扒餐廳 (Fashion Walk) (已結業)

今日中午同老公去左銅鑼灣處理工事，順便去左fashion walk食埋lunch先番公司，去到食街好多餐廳，見到呢間菜式幾特別就揀左。泰式羽衣甘藍燒牛肉沙律新鮮爽脆，羽衣甘藍無苦澀味，牛肉肉嫩多汁，加左泰式醬汁味道酸甜帶少少辣，幾開胃。脆炸蘇格蘭蛋配風腸伴蒜蓉蛋黃醬風腸包住蘇格蘭蛋去炸，十分邪惡，雞蛋蛋味濃郁，風腸味道少少咸，有蛋汁中和一下。香葱魚子醬馬介休卷好多魚子醬啊，餡汁creamy，馬介休味道突出，鹹香味濃。法芥醬忌廉黃油春雞配中東烤餅黃油春雞煎到外皮脆脆地，帶少少焦香，雞肉嫩滑多汁，中東烤餅沾滿醬汁好好味。