影片
更多
2020-10-04
972 瀏覽
香港係一片福地，除咗因為好少自然災害之外，對我黎講當然就係想食任何國家嘅菜都好容易喺香港搵到！早幾日同朋友食飯想搵間特別嘅餐廳，結果朋友搵到呢間食墨西哥菜既餐廳，所以想同大家分享。今次呢間餐廳係一間酒店裏面嘅，而且佢係結合酒吧元素。我哋去嗰陣咁岩餐廳做緊特價飲品，三杯南美洲風味嘅Cocktail都只係二百幾蚊，而且口味清新獨特，係香港好少遇見，而且佢仲有冇酒精既mocktail， 一般出邊店舖既mocktail單調乏味，但係呢度嘅好有特色，仲勁好飲，我自己都鍾意！講返正題先，餐廳主要售賣墨西哥粟米餅，Taco夾餅，同埋特色墨西哥沙律。我哋叫咗一個牛肉Huarache，仲有兩個TACO分別係Al Pastor 同埋Carne Asada。係咪好想知係乜嘢嚟？咁就要睇落去啦！ Huarache係墨西哥受歡迎菜色，用炸好嘅粟米麵團做餅底，然後加入好多材料，例如洋蔥薯仔芫荽豆泥同埋莎莎醬，再配上牛肉或者仙人掌肉同香料而成，聽落好似好複雜咁，我自己第一次食又覺得感覺唔錯，食到檸檬嘅清新香味之餘混合香辣嘅莎莎醬，伴隨牛肉嘅香味同埋其他爽脆嘅配菜令到口感好豐富，我覺得味道接受到之餘仲好驚喜！另外兩個
今次呢間餐廳係一間酒店裏面嘅，而且佢係結合酒吧元素。我哋去嗰陣咁岩餐廳做緊特價飲品，三杯南美洲風味嘅Cocktail都只係二百幾蚊，而且口味清新獨特，係香港好少遇見，而且佢仲有冇酒精既mocktail， 一般出邊店舖既mocktail單調乏味，但係呢度嘅好有特色，仲勁好飲，我自己都鍾意！
講返正題先，餐廳主要售賣墨西哥粟米餅，Taco夾餅，同埋特色墨西哥沙律。我哋叫咗一個牛肉Huarache，仲有兩個TACO分別係Al Pastor 同埋Carne Asada。係咪好想知係乜嘢嚟？咁就要睇落去啦！
Huarache係墨西哥受歡迎菜色，用炸好嘅粟米麵團做餅底，然後加入好多材料，例如洋蔥薯仔芫荽豆泥同埋莎莎醬，再配上牛肉或者仙人掌肉同香料而成，聽落好似好複雜咁，我自己第一次食又覺得感覺唔錯，食到檸檬嘅清新香味之餘混合香辣嘅莎莎醬，伴隨牛肉嘅香味同埋其他爽脆嘅配菜令到口感好豐富，我覺得味道接受到之餘仲好驚喜！
另外兩個嘅TACO其實一個係燒豬肉配芒果莎莎醬，另一個就係和牛牛油果配莎莎醬。兩個都細細個容易食，同朋友分享就啱晒！我自己就推薦和牛嗰款，因為牛嘅肉汁脂肪同莎莎醬配合得天衣無縫，莎莎醬嘅香辣中和左和牛嘅肥膩，而且牛油果既加持令TACO嘅口感更加順滑，諗起我又流口水啦！有興趣都可以試吓架！
張貼