譚仔雲南米線 (沙田中心)

營業中

休息中

今日去食，好混亂。 枱入面有張餐牌，但係俾人d 豌碟杯擋住左，睇唔到。唔通移走人地d 食物咩，咁咪叫佢可唔可以俾張餐牌，點知個女人聲大夾惡講左句﹕呢張咪餐牌無架啦未唔好睇囉！ 火都黎。都算，之後叫完野食點知有個食客係我未到之前已經移左係秘2張枱，但係咁將佢d 食物放係我張枱到，不停咁話佢搬左去另一張枱都仲係要將d 食物擺過黎。之後到我要食既野黎到，個女待應問邊個，我未話呢到囉，點知佢又將d 野食拎左去第2道，一係就企係到唔理你，你答佢幾次呢到呀佢依然拎住唔放低俾你，都唔知佢想點。食物質數算係咁，酸辣湯底唔夠酸又唔夠辣，土匪雞翼咸左少少。無飲野，因為張餐牌比人擋住左睇唔到原來飲品只係加6蚊！坐已經唔算好坐，好逼，食兩樣野已經50蚊，我個人覺得都幾貴，況且簡單基本對人既禮貌都無，我唔會再幫襯。