薈麵館

營業中

休息中

今晚放工揀左我同我老公都好近既合和個度食飯。Um......不如食粥清清腸胃啦，所以就揀左七樓既薈麵館。我地叫左套餐，都好抵食呀，有碗粥加個特點！我就揀左田雞粥，我好鍾意食田雞呀，呢度既田雞都好新鮮又好肥美！仲叫左艇仔粥，粥好滑，配料好多！餐呢，我地配左家鄉炒米粉，好多配料呀，有鯪魚肉，唔係好dry個d 蔥花炒！另一個餐，我地叫左蘿蔔糕，份量好多呀，煎得好香口，好好味呀。呃鬼。。。又話清清地。。。叫左好多炸物😂😂入面有一隻蝦，好大隻，炸得剛剛好！另外仲叫左流沙包，好流心，我好鍾意呀！近來呢幾年成日食到既流沙包都唔流心呢！所以見到流心既流沙包，好感動呢！