李圓圓 (寶安大廈) (已結業)

早幾日行過旺角突然想飲珍珠奶茶，見到呢間李圓圓一於試下！點左 No.3既黑糖珍珠鮮奶紅茶，半糖少冰，最鍾意佢用碎冰，唔似得平時飲果啲大大粒冰～店員姐姐好好笑容，拎飲品果陣仲好細心提我唔好成杯上下搖晃（佢唔提我真係會咁做🤣🤣🤣），可以用飲管攪拌5-6圈將黑糖蜜攪勻～飲落茶味濃，珍珠唔太甜，岩晒怕甜既我～煙煙韌韌，好好咬～平時珍珠奶茶就買得多，但好似呢位姐姐咁細心既又真係冇乜幾個～仲可以登記做會員遙距落單，時間都慳返！下次要試推介No.1既黑糖珍珠鮮奶2.0先得！