影片
更多
2023-03-16
57 瀏覽
今日收工去東涌買行山用品，順便就去東薈城搵食。其實時間已經係接近8點，一路沿住電梯上到7樓，見到8點都仲有人排隊，而美食廣場又無乜人，感覺跟大隊一定無死，反正都好耐無食過越式湯粉，二話不說就走左去排隊。 8點時間都仲要排隊，感覺唔簡單。等左大概10mins，就有位，流轉都幾快。餐廳坐滿曬人，但d座位有好闊，用餐環境好舒服，而且店鋪裝修都幾有越式風味。點左個胡志明綜合粉，入面有牛腩，生牛肉肥牛，兩粒牛丸。牛丸帶d牛筋，咬落去好彈呀，而且好有牛味，食完個後勁都好香，而且都幾大粒，唔錯唔錯！而個生牛肉夾上黎的時候仲係紅紅地，響d湯度搞兩下就熟曬，火候真系控制得好好。餐廳仲有較我點樣食呢碗麵，個牛肉可以用特製醬汁去加重味道。真心係好食。而個牛腩就好淋，好入味。至於個河粉，索曬d湯汁，好有牛味，而又唔會因為索太多汁而一夾就散，我成抽夾起都無斷，真系好考廚房功力。另外散叫左個拼盤，有牛油雞亦，蝦春捲，豬排同蔗蝦四種小食。個牛油雞亦好正，好重牛油味而且好脆口，咬落去好似食薯片咁，極力推介。另外個蔗蝦都唔錯，食到去錄蔗先係重頭戲，咬落去好香甜，估唔到真係可以食。哈哈最後點左杯椰汁咖啡同個甜品。椰汁咖啡
8點時間都仲要排隊，感覺唔簡單。等左大概10mins，就有位，流轉都幾快。餐廳坐滿曬人，但d座位有好闊，用餐環境好舒服，而且店鋪裝修都幾有越式風味。
點左個胡志明綜合粉，入面有牛腩，生牛肉肥牛，兩粒牛丸。
牛丸帶d牛筋，咬落去好彈呀，而且好有牛味，食完個後勁都好香，而且都幾大粒，唔錯唔錯！而個生牛肉夾上黎的時候仲係紅紅地，響d湯度搞兩下就熟曬，火候真系控制得好好。餐廳仲有較我點樣食呢碗麵，個牛肉可以用特製醬汁去加重味道。真心係好食。而個牛腩就好淋，好入味。
至於個河粉，索曬d湯汁，好有牛味，而又唔會因為索太多汁而一夾就散，我成抽夾起都無斷，真系好考廚房功力。
另外散叫左個拼盤，有牛油雞亦，蝦春捲，豬排同蔗蝦四種小食。個牛油雞亦好正，好重牛油味而且好脆口，咬落去好似食薯片咁，極力推介。另外個蔗蝦都唔錯，食到去錄蔗先係重頭戲，咬落去好香甜，估唔到真係可以食。哈哈
最後點左杯椰汁咖啡同個甜品。
椰汁咖啡唔會好甜，好迎合香港人的口味。而d咖啡味都唔錯，唔會太苦，同個椰汁好配搭，最驚喜係入面仲有d椰子肉，唔錯唔錯。
至於個甜品其實都係幾好食的，都係好重椰香，只不過對比起其他食物實在太出色，而我又真係食得好飽，所以已經唔係好食得落。
最後附上個餐單，大家有興趣可以睇下。
真系係一個唔錯的推介，價錢公道，食物一流，環境舒適，下次去東薈城的你可以考慮下！
張貼
