影片
更多
2023-04-05
22 瀏覽
今日放工同男朋友去銅鑼灣行街，順便去附近希雲街睇下有咩好食，經過見到呢間叫Sleepless既cafe裝修幾靚，入面主要係木系既傢俬，有格調得黎氣氛又幾chill咁，就入去試吓。〈Buffalo Wings〉佢地既Buffalo Wings係單骨雞翼，但仍然夠晒大隻。食得出雞翼係有炸過，但都唔會比啲醬搞到淋晒，咬落去雞皮仍然係好香脆，個醬覆蓋成隻雞翼，醬汁既酸辣度調得啱啱好，非常唔錯。〈黑松露芝士薯條〉唔好睇佢裝薯條個tray細細個咁，食落先發現原來份量都好多，唔洗怕同男朋友兩個人爭唔夠食！薯條方面係我男朋友最鍾意嘅粗身薯條，薯條炸得香脆，每一條薯條面頭都滿佈芝士粉，好夠芝士味，基本上唔洗點黑松露沙律醬都已經好惹味，當然點埋個黑松露醬一齊食就更加好味。〈法國鵝肝南瓜意大利飯〉呢個risotto既賣相一流😛意大利飯煮得啱啱好，有咬口得黎唔會太硬。南瓜汁份量夠晒多，入口creamy。鵝肝既表面煎得好香脆，咬落去入面質感柔軟，一入口油脂即化，味道好出色。為左呢個risotto，我應該會再黎！〈黑松露忌廉汁扁意粉〉黑松露忌廉汁夠晒creamy，黑松露味道好出，食落感覺真材實料，扁意粉非常掛汁，
〈Buffalo Wings〉
佢地既Buffalo Wings係單骨雞翼，但仍然夠晒大隻。食得出雞翼係有炸過，但都唔會比啲醬搞到淋晒，咬落去雞皮仍然係好香脆，個醬覆蓋成隻雞翼，醬汁既酸辣度調得啱啱好，非常唔錯。
〈黑松露芝士薯條〉
唔好睇佢裝薯條個tray細細個咁，食落先發現原來份量都好多，唔洗怕同男朋友兩個人爭唔夠食！薯條方面係我男朋友最鍾意嘅粗身薯條，薯條炸得香脆，每一條薯條面頭都滿佈芝士粉，好夠芝士味，基本上唔洗點黑松露沙律醬都已經好惹味，當然點埋個黑松露醬一齊食就更加好味。
〈法國鵝肝南瓜意大利飯〉
呢個risotto既賣相一流😛意大利飯煮得啱啱好，有咬口得黎唔會太硬。南瓜汁份量夠晒多，入口creamy。鵝肝既表面煎得好香脆，咬落去入面質感柔軟，一入口油脂即化，味道好出色。為左呢個risotto，我應該會再黎！
〈黑松露忌廉汁扁意粉〉
黑松露忌廉汁夠晒creamy，黑松露味道好出，食落感覺真材實料，扁意粉非常掛汁，食落每一啖意粉都充滿住濃郁既黑松露味，啱晒鍾意食黑松露既朋友。
飲品方面佢都真係好多選擇，由於我同男朋友都係朱古力控，所以分別嗌咗一杯Iced Ecuador Dark Chocolate 同一杯Iced Signature Blend Chocolate。店員介紹話佢地既朱古力係用朱古力磚融化製成既，所以飲落有rich好濃郁既朱古力味，texture亦好smooth。Ecuador Dark Chocolate係冇甜味，而Signature Blend Chocolate係帶有少許甜味，比較啱我。整體黎講，呢到除左餐廳環境氣氛唔錯，野食飲品味道都同樣出色，食得出餐廳好用心準備食物，已經推薦左比其他朋友叫佢地去開銅鑼灣一定要試下☺️
張貼
