8號冰室

營業中

休息中

夏日熱辣辣，搵到呢間開咗無幾耐既冰室。心諗口喝又見餓就入咗去叫咗個簡單既下午茶。因為我係素食者，所以碟星州炒米就叫餐廳走肉。。。。有驚喜喎，咸淡啱啱好。我朋友就叫咗個飽，餐牌上寫奄列沙爹牛肉菠蘿包 又叫做牛魔王喎。目測舊肉好大塊，朋友話肉汁好夠，好咬口。肉既咸同菠蘿既甜層次分明。做的好有心機。杯凍茶就無咩好寫啦，標標準準，消暑一流！埋單$80，同個女收銀吹咗幾句水。笑面迎人，同其他伙記一樣態度一流。唔知係呩係新開既關係，希望呢間冰室keep 到水準。