由於太熱，所以我們見到有一間賣雪糕，又有冷氣嘆吓的甜品舖，就入去坐下，避下暑。
一入到去，就已經俾佢個Menu吸引住，雪糕一杯整到非常適合打卡。我就叫了少女芭比粉紅色的雲呢拿及士多啤梨味雪糕
上面用了粉紅色的Oreo，又有棉花糖又有美式餅乾，更加驚喜的是雪糕用上movenpick ，平時細細一杯Movenpick都已經好貴。呢一度的雪糕份量真的夠兩人吃哦。
雪糕有多重口感，除咗有兩款味道之外，中間仲會有脆脆的粟米片和新鮮的生果，小店真的非常用心，一杯用上了很多層次
最後，我們見到佢啲膠樽非常之靚，原來膠樽可以愛嚟夾糖，或者裝佢啲特色飲品，由於天時暑熱，我們決定叫一樽香橙菠蘿汁MockTail。飲落去就像Fruit punch 一樣非常之解渴。
