鍋心粥底火鍋 (順寧道)

營業中

休息中

呢間店好巴閉呀，平日都一定要book位，因爲佢係限定時間入座，一輪輪咁做，唔係你想幾點食就幾點。講返正題，第一次食粥底火鍋，個湯底好似米水咁，逐樣海鮮放入去滾，照住餐廳建議嘅時間夾起，每種海鮮都新鮮，蟹有膏，鮑魚彈牙，食曬d海鮮已經半飽。之後落牛肉丶豬肉丶雞丸，肉類品質當然不是上等貨，但係新鮮嘅，冇臭嘅家禽家畜味。最後個粥底，店員放d米飯入去，加埋之前已放落去的南瓜粒＆芋頭粒，仲有海鮮的鮮味落曬個粥度，點會唔好味！總括來講，性價比係高嘅，4人叫埋野飲先800幾蚊，雖然唔係任食，但一般人一定食得飽！