素來素往 (已結業)

家姐成日都問有冇素食推薦，見到呢間素來素往價錢好抵仲要任食，🥰價錢都係由$68-$158咋！環境仲一啲都唔娘，難怪都唔少後生客。素食自助餐由冷盤、小食、熟食、 主食、 甜品 、飲品連老火湯都有齊曬，咁的價錢絕對親民，而且長者仲有優惠9折添！餐廳環境闊落又衞生，Refill速度都幾快。 首先去沙津bar，有新鮮的沙律菜、車厘茄、仲有酸甜又爽口的手拍青瓜等等… 而細個好鍾意食的煎釀三寶都唔錯架，重拾兒時的味。 😻家姐最愛一定係炒粉絲同由麵筋整的酸齋，甜甜酸酸勁開胃。我最推薦係佢地的滷肉飯，素肉製但味道9成似，連醬汁甜度都剛好。 好驚喜仲有pizza素食，唔好貪心拎咁多，先可以試曬咁多款野😛 記我留肚食埋甜品，分別有豆腐花、椰汁西米露、南瓜布甸等等，我最推係香濃又順滑的豆腐花，而且所有甜品都唔會太甜，大家可以放心試多幾樣架！