大鍋口海鮮火鍋店

營業中

休息中

🌟雞煲兩人半隻，非常惹味，我哋叫咗小辣，我覺得呢一個味道對我哋兩個嚟講啱啱好，雞肉幾嫩口，煮得好入味，啱晒鍾意食雞煲嘅朋友，份量都唔錯，可以方便唔使洗咁多，之後打邊爐！🌟手切牛肉非常好食，冇諗過呢一個價錢都有手切牛肉，牛肉嘅油花分布非常平均，真係非常抵食，鍾意食牛嘅朋友一定要叫，而且份量都幾好，加埋湯底食味道亦都做得唔錯！🌟四寶丸，手打豬肉卷非常爽口彈牙，個人嚟講非常鍾意食，墨魚丸更加有香濃嘅墨魚味，呢一個價錢嚟講食呢啲平時喺出邊起碼都要$88/碟，份量亦都唔會俾太多，可以俾試更加唔同嘅菜式🌟魚皮，亦都熱辣辣，仲要係無限任叫，係我打邊爐一定會食嘅嘢，非常好食，非常香脆，鍾意加少少湯底食又得，直接食亦都得，忍唔住最後再叫多咗一份！🌟飲品，亦都有好多唔同嘅飲品，可以俾大家任選，餐廳亦都非常大方，有好多種唔同嘅韓式飲品，例如芒果汁忌廉鮮奶蘆薈！呢啲都係出邊比較貴嘅嘢飲，呢度都可以任飲，我今日就揀咗烏龍茶，味道都唔錯，大家都可以攞嚟試吓！🌟甜品亦都有雪糕，雪糕可以自己加toppings，總括嚟講呢個價錢真係非常抵！好食程度（5粒🌟）🌟🌟🌟🌟🌟抵食程度（5粒🌟）🌟🌟🌟🌟🌟位置 （5粒🌟）🌟🌟🌟🌟