就是偏偏喜歡你 (已搬遷) 新店位置

之前想同女朋友黎好耐 今次終於一齊過左黎食飯🤣 店入面仲有白兔仔 好得意🐰🍀芝士雞軟骨份量真係超級多 夠幾個人分享一齊食🤩 每一粒雞軟骨都香脆可口 好有口感 好食到停唔到口🫣🍀香辣南美海蝦意粉蝦好新鮮好彈牙🦐 醬汁濃度岩岩好 有少少掛身嘅效果 而且味道好濃郁 好入味😋 食落仲辣辣地幾開胃😚🍀煙三文魚炒蛋黑炭漢堡漢堡表面同埋底部都好酥脆 炒蛋炒得恰到好處 好滑好香😉 加埋煙三文魚 蕃茄 沙律菜一齊食 充滿口感層次感😝🍀小熊粒粒草莓牛奶味道偏清淡唔會好甜 不過重點係個熊仔造型 幾得意😎