影片
更多
2023-12-10
39 瀏覽
星期日早上去到宋王臺一間Cafe，開12點已經見到8成滿🙊 好chill 又有陽枱位置，真係好寫意☀️ 今日係衝住soufflé pancake 慕名而來的🌝🥞烤生菜希臘芝士沙律🥗Feta Cheese Bacon Iceberg Salad w/ Greek Yogurt Dressing $118最特別係有片片炸蓮藕點綴，就似凱撒沙律嘅變奏版，同樣好fresh 又 creamy，但醬汁就比較薄身，食完唔會滯，鮮甜生菜加上feta cheese 係無敵組合，永遠長青🥬羊肉醬炒貓耳朵意粉🍝 Lam Meat Bolognese Orecchiette $148貓耳朵意粉唔係度度有得食，好似蜆殼粉，但煙靭啲。羊肉醬非常惹味，minced meat 匿埋晒晒係貓耳朵意粉入面，每一啖都好濃郁。羊肉加上多種香料，唔單止香口，仲有少少似地中海風味！提拉米蘇梳乎厘班㦸🥞 Tiramisu Cream Soufflé Pancakes $104呢個就係我慕名而來嘅甜品😌絕對滿意👍🏻👍🏻😋 Pancake 比平常有更重蛋味，雞蛋比例重咗，但依然保持到鬆軟感，搖吓搖吓。感覺非常治癒💆🏻而且可以淋上咖啡，完
烤生菜希臘芝士沙律🥗
Feta Cheese Bacon Iceberg Salad w/ Greek Yogurt Dressing $118
最特別係有片片炸蓮藕點綴，就似凱撒沙律嘅變奏版，同樣好fresh 又 creamy，但醬汁就比較薄身，食完唔會滯，鮮甜生菜加上feta cheese 係無敵組合，永遠長青🥬
羊肉醬炒貓耳朵意粉🍝
Lam Meat Bolognese Orecchiette $148
貓耳朵意粉唔係度度有得食，好似蜆殼粉，但煙靭啲。羊肉醬非常惹味，minced meat 匿埋晒晒係貓耳朵意粉入面，每一啖都好濃郁。羊肉加上多種香料，唔單止香口，仲有少少似地中海風味！
提拉米蘇梳乎厘班㦸🥞
Tiramisu Cream Soufflé Pancakes $104
呢個就係我慕名而來嘅甜品😌絕對滿意👍🏻👍🏻😋 Pancake 比平常有更重蛋味，雞蛋比例重咗，但依然保持到鬆軟感，搖吓搖吓。感覺非常治癒💆🏻而且可以淋上咖啡，完美混合Tiramisu + soufflé，兩款甜品擺埋一齊食，非常滿足💕
愛爾蘭咖啡☕️
Irish Coffee $98
12月份，好有氣氛飲愛爾蘭咖啡，濃香嘅熱咖啡加上whiskey同whipped cream，好醒神，好有feel，完全係迎接緊聖誕嘅來臨。 口感豐富嘅忌廉混合威士忌同咖啡，減輕了酒精嘅負擔，入口綿滑。
手沖咖啡 🫘
Pour Over Coffee $55
例牌問一下Barista手沖有咩豆，從Ethiopia 及 Costa Rica 中選了後者，friuty口味，蜜處理嘅哥斯達黎加咖啡豆，店主提供兩個杯，闊口杯飲出水果及花香嘅風味，類近果茶特色，窄口杯咖啡則比較圓潤，後勁帶葡萄同埋酒香氣息，時間耐左攤凍啲，豆嘅甜味會再出少少，幾好嘅體驗。
張貼
